بتعشق صمت الوجوه المحيطة
وبتنتحب من صوت وداع بيألمك مع انه بيقول الحقيقة
وبتداري باقصى سرعة من اي ذكرى حلوة كانت والا لأ ..
خبيثة يمكن او بريئة
وفي لحظة ..فجأة ..بتكتشف ان الحياه راح وقتها والشمس غابت ضحكتها الجريئة
....
وبتفتكر احلام زمان الممكنة
اللى كتير رسمتها هنا وهنا
وغنيت لها ولحنتها واتخيلتها بالدندنة
وعشقت من بين حروفها ورقة لحكاية ملونة
...
وبتحاول انك تبتسم مع ان وشك حزين
بتنزل حاجب وتعرض شفة وتحرك الخدين
وتلاقي فجأه دمعة نازلة زي موجة بين شطين
فتستغرب ويختلط ضحكك بدموع العين
...
وبتسأل والسؤال جواك بيدور
حملك تقل .. همك زاد وبقيت للساقية زي تور
زي انسان وتايه ... بس برغم من توهانة لسه شايف في اخر العتمة نور
وبتنتحب من صوت وداع بيألمك مع انه بيقول الحقيقة
وبتداري باقصى سرعة من اي ذكرى حلوة كانت والا لأ ..
خبيثة يمكن او بريئة
وفي لحظة ..فجأة ..بتكتشف ان الحياه راح وقتها والشمس غابت ضحكتها الجريئة
....
وبتفتكر احلام زمان الممكنة
اللى كتير رسمتها هنا وهنا
وغنيت لها ولحنتها واتخيلتها بالدندنة
وعشقت من بين حروفها ورقة لحكاية ملونة
...
وبتحاول انك تبتسم مع ان وشك حزين
بتنزل حاجب وتعرض شفة وتحرك الخدين
وتلاقي فجأه دمعة نازلة زي موجة بين شطين
فتستغرب ويختلط ضحكك بدموع العين
...
وبتسأل والسؤال جواك بيدور
حملك تقل .. همك زاد وبقيت للساقية زي تور
زي انسان وتايه ... بس برغم من توهانة لسه شايف في اخر العتمة نور
هناك 4 تعليقات:
السلام عليكم
ازيك أستاذه أسماء؟
ايه الكلمات الرائعه دي
الكلمات حلوة اوي بصراحه
مزيد من الابداع والتميز
تقبلي مروري وتحيتي
وعليكم السلام ورحمة الله وبركاته
ازيك انت ايه اخبارك
الحمد لله بخير وكله كويس
يارب تكون بخير وتمام
ربنا يكرمك يارب بترفع معنوياتي بتعليقك وزيارتك للمدونة
:)
كتابتك دافية وجميلة أوي .. عجبتني مشاهداتك
سعيدة للغاية بمروري هنا
تحياتي
Unique
سعدت بمرورك وتعليقك جدا
واتمنى ان تتابعي باستمرار
:)
ع فكرة تصميم مدونتك رائع جدا
وكتاباتك حلوة
إرسال تعليق